تازه سرليکونه
د (مجتهدين او فقهاء) نورې ليکنې
تازه سرليکونه
بېلابېلې ليکنې
د امام اعظم (رح) د امامت مقام
 
  February 24, 2013
  0
رالېږونکی: نعمت الله شاکر

امام   ابو داؤد  السجستاني رحمة الله علیه  ويلي   دي  : 
 
خداى   جل جلاله   دي   پر  امام   مالك    رحمة الله علیه   ورحميږي   لوى   امام   وو  .
خداى   جل جلاله   دي   پر   امام   شافعي   رحمة الله علیه   ورحميږي   لوى   امام   وو  .
خداى   جل جلاله   دي   پر   امام   اعظم    رحمة الله علیه   ورحميږي   لوى   امام   وو . ( الانتقاء   لابن   عبد البر   صــ   ۳۲ )

عبدالله  بن  مبارك  رحمة الله علیه   وويل  :  هيڅ   څوك   د  امام   اعظم  رحمة الله علیه   په   څير   د  پيروۍ   وړ   نه   دى  هغه   لوى   امام  ،  پرهيزګار ،  له   شبهاتو  څخه   ځان   ساتونكى ،  لوى   عالم   او   په   فقه   پوه   وو   علم  يې   په   ډيري   ځيركتيا  او   بصيرت   سره   تشريح   كړى   دى  . ( مناقب  ابي  حنيفه   للكردري   صـــ  ۴۶)

مسعر  بن  كدام  رحمة الله علیه وويل  : كه   څوك   د  ځان  او  خداى   جل جلاله  تر   منځ   امام  اعظم  رحمة الله علیه   واسطه   (  د ځان  مقتدا )  كړي   زه   اُميد  لرم   چي   هيڅكله   به   د  خوف  ( ويري )   سره   مخ  نه  سي  .  ( تاريخ  بغداد  جــ   ۱۳ صــ  ۳۳۹)

يحيٰ   بن   معين رحمة الله علیه  وويل  :  درواغ   نه  وايم   ما   د   امام   اعظم   رحمة الله علیه   تر   رآ ى  ښه  رآ ى  نده   اوريدلي   او  دده   په    ډيرو   قولونو   مي   عمل   كړى   دى  .( تاريخ  بغداد  جــ   ۱۳ صــ  ۳۴۵)

يحيٰ  بن   معين رحمة الله علیه  وويل  : يحيٰ   بن   سعيد  د  كوفيانو   په   قول   فتوٰى   وركوله   د  كوفيانو   په   منځ  كي   يې   د   امام  اعظم   رحمة الله علیه  قول   غوره   باله   او   د  امام   اعظم   رحمة الله علیه   پر   قول   يې   فتوٰى   وركوله   .  ( تاريخ  بغداد  جــ   ۱۳ صــ  ۴۷۰)

يحيٰ   بن   معين  رحمة الله علیه وويل  :  د   حمزه   قرائت   او   د  امام  اعظم   رحمة الله علیه   فقه   مي    ډيره   خوښه   ده    د   نورو  خلګو   هم    همداسي     كول   . (تاريخ  بغداد   جــ   ۱۳ صــ  ۳۴۱)
 
يحيٰ  بن   معين رحمة الله علیه  وويل  :  تر   وكيع    مي   لوى   عالم   ندى   ليدلى   مخ    پر   قبله   به   كيناستى  حديثونه   به   يې  يادول  ،  د   شپې   لمونځونه    به   يې  كول   او   دوامداره   روژې   به    يې    نيولي  د   امام  اعظم   رحمة الله علیه   څخه   يې   ډيري    مسئلې  اوريدلي    وي   فتوٰى    يې  د   امام   اعظم   رحمة الله علیه  پر   قول    ور  كوله  .  (تاريخ  بغداد  جــ   ۱۳ صــ  ۳۷۰)

ماخذ: (د امام اعظم رحمة الله علیه) د کتاب څخه
 

 

تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته