تازه سرليکونه
د (نکاح) نورې ليکنې
تازه سرليکونه
بېلابېلې ليکنې
صريح طلاق
 
  November 24, 2012
  0
په كومو ويناوو چي طلاق اچول كيږي هغو ته د طلاق الفاظ وايي .

د طلاق الفاظ پر دوه ډوله دي ، يو قسم يې هغه لفظونه دي چي يوازي د طلاق د پاره كارول كيږي په دغو الفاظو كه طلاق وركول سي هغه ته صريح طلاق وايي .

د طلاق ځانګړي الفاظ كوم چي يوازي د طلاق په معنا استعماليږي دا كه په هره ژبه وي ټول د طلاق صريح لفظونه بلل كيږي .

د طلاق صريح الفاظ نيت او نښي ته اړتيا نه لري نو ځكه كه څوك وښځي ته د طلاق صريح الفاظ پر ژبه بيان كړي او په زړه كي يي د طلاق وركولو نيت نه وي بيا هم طلاق په واقع كيږي .

دغه ډول كه څوك د طلاق صريح الفاظ خپلي ښځي ته وكاروي كه څه هم هلته داسي نښه هم نه وي چي د هغه څخه وفهمول سي ، چي په دا وينا دى غواړي خپلي ښځي ته طلاق وركړي بيا هم طلاق په واقع كيږي .

د طلاق صريح الفاظ هغه دي چي د ( ط ، ل ، ق ) د تركيب څخه جوړ سوي وي لكه طَلَق ، طالق ، مطلقة .

كه څوك د طلاق په صريح الفاظو مخامخ خپلي ښځي ته د طلاق نسبت كوي او هغه مخاطبه ګرځوي نو طلاق په واقع كيږي .

په پښتو كي د طلاق صريح لفظونه دا ډول دي لکه : ده طلاقه كړې يې ، ته پر ده طلاقه يې ، ته پر ده طلاقه سوې يې 

كه څوك په مخکني ډول وينا خپل ځان ته منسوب کړي يعني د ( ده ) پر ځاى ( ما ) ووايي او خپلي ښځي ته يې وكړي ، كه څه هم په زړه كي د طلاق نيت و نه لري بيا هم ښځه پر طلاقه كيږي .

په زړه كي د طلاق په اچولو طلاق نه واقع كيږي او نه د درو ډبرو په غورځولو طلاق واقع كيږي ، ځكه د خولې تلفظ او وينا د طلاق ركن دى يا دا ډول ليكنه او اشاره وي چي هغه د خولې د وينا او تلفظ ځاى ناستي بلل كيږي .
 
طلاق لكه څرنگه چي د خولې په وينا وركول كيږي دغه ډول په څرګنده ليكنه هم طلاق واقع كيږي .

كه څوك خپلي ښځي ته د ليك د لاري وليكي :  ده طلاقه كړې يې ، ته پر ده طلاقه يې ، ته پر ده طلاقه سوې يې ، نو ښځه يې پر طلاقه كيږي ، ځكه د طلاق دا ډول څرګنده ليكنه د خولې د تلفظ قايم مقام او ځاى ناستې بلل كيږي .
 
دغه ډول د ګونګي په هغه اشاره هم طلاق واقع كيږي چي د هغه څخه په ځانګړي ډول طلاق فهمول كيږي ځكه د طلاق ځانګړي اشارې هم د خولې د وينا او تلفظ ځاى ناستي ګڼل كيږي .

ماخذ: فقه المبتدي، دوهم ټوک- نکاح
 
 
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته