تازه سرليکونه
د رانیولو وکیل او ګټور تخلف
 
  November 13, 2014
  0

 د رانيولو وكَيْل


 د رانيولو وكَيْل که خپل مُوَكِّل ته شى ور رانيسي خو د مُوَكِّل شرطونه مراعات نه کړي سودا يې پر مُوَكِّل باندي نه لازميږي ، بلکي سودا خپله پر وكَيْل لازميږي .
 مثال : زيد بکر ته ووايي : د خالد هغه کرولا موټر را رانيسه .

که بکر ورته په ګوته سوې کرولا موټر ور رانياوه نو د موټر سودا پر زيد لازميږي .

که بکر په ګوته سوې کرولا را نه نيول ، بلکي د خالد بل موټر يې رانياوه نو د هغه سودا بيا پر زيد نه لازميږي ، بلکي د هغه سودا د بکر د خپل ځان د پاره ګرځي او پيسه به يې هم بکر ورکوي ، دغه رنګه ګټه او تاوان يې هم په بکر اړه پيدا کوي ، ځکه بکر د زيد يعني د خپل مُوَكِّل د امر څخه مخالفت وکړى ، هغه يو موټر ورته په نښه کړى وو چي ورته را يې نيسي خو ده پر خپل سر بل موټر ورته را نيوى .

 که مُوَكِّل وكَيْل ته ووايي : تر پنځو لکو افغانيو پوري يو موټر را رانيسه .

وكَيْل په پنځه لکه او پنځوس زره افغانۍ موټر ورته رانيسي دا سودا هم پر مُوَكِّل باندي نه لازميږي ، ځکه وكَيْل ته تر پنځو لکو افغانيو پوري اختيار ورکول سوى دى خو ده تر هغه په زياتو پيسو موټر رانياوه نو د مُوَكِّل د امر څخه د مخالفت لکبله يې سودا پر مُوَكِّل نه لازميږي .

ګټور تَخَلُّف
 که وكَيْل د مُوَكِّل د امر څخه دا ډول مخالفت ورکړي چي هغه د مُوَكِّل په ښکاره ګټه وي ، د مخالفت سره سره يې بيا هم تړون پر مُوَكِّل باندي لازميږي .
 
مثال : زيد بکر ته يو موټر په نښه کړ ورته وې ويل : دا موټر په پنځه لکه افغانۍ را رانيسه .

بکر هماغه موټر په څلور لکه افغانۍ ور رانياوه دلته که څه هم بکر د خپل مُوَكِّل يعني زيد د امر څخه مخالفت کړى دى خو دا مخالفت د مُوَكِّل په ګټه دى ، نو ځکه يې د مخالفت سره د موټر سودا پر زيد لازميږي .

ماخذ: فقه المبتدي، دریم ټوک- معاملات
مؤلف: الحاج مولوي محمد عمر خطابي حفظه الله
 
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته