د (کورنى جوړښت) نورې ليکنې
تازه سرليکونه
بېلابېلې ليکنې
کورنی جوړښت - په کور کي کتابتون
ترتیب کوونکی: ز. عزيزي/تعلیم الاسلام ویب پاڼه
اتمه لارښوونه: په کور کې مو اسلامي کتابتون جوړ کئ !
يو د هغو مواردو نه چي د کورنۍ د پاره په دين کي د تفقه او زده کړې لاره برابروي او د شريعت احکامو ته د پاپندۍ او د زده کړې په لاره کي ورسره کومک کوي، هغه په کور کې د اسلامي کتابتون جوړول دي. ضروري نه ده چي د يوه غټ کتابتون د پاره هڅه وکړئ بلکې يوازې مهم کتابونه راټولول او ورته د لاس رسي آسانتيا پيدا کول او د کورنۍ د افرادو مطالعې ته تشويقول کفايت کوي. که چيرې په کور کې کتابتون موجود وي، د کورنۍ د افرادو د پاره د مطالعې دوامدر فرصت برابروي.
کتابتون په لوړکيفيت باندې غوره کړئ، داسې کتابونه غوره کړئ چي بيلابيل مراجع ولري او مختلف مسائل تر بحث لاندې ونيسې؛ کتابونه بايد د مختلفو سطحو وي چي د کوچني، غټ، ښځې او سړي لپاره ګټور وي او که ستاسې زامن د مکتب شاګردان وي هغوی هم ترې ګټه پورته کړي.
په کتابونو کې داسې کتابونه هم برابر کړی چي د ملګرو، ميلمنو او هغو کسانو د پاره چي ستاسې کور ته راځي ښکلې ډالۍ وي، کوښښ وکړئ چي هغه چاپ کتابونه غوره کړئ جزاب، ښايسته اومحقق وي، د احاديثو تخريج يې سوی وي، مخکې له دينه چي کتاب واخلئ په دې اړه دداسې کسانو سره مشهوره وکړئ چي په دې اړه د مشورې وړ وي.
کتابونه د موضوعاتو مطابق پرله پسې کښيږدئ، د تفسير کتابونه په يو اړخ کې، د حديثو کتابونه، د فقهې او نور هري يوې موضوع کتابونه په ځان ته ځای کي ږده، يا دي د کورنۍ ځينې افراد د الفبايي فهرست او موضوع پر اساس مرتب کړي، تر څو کتاب په اسانه توګه راواخيستل سي.
څومره ډير کسان دې چي د خپل کور د کتابتون دغني کولو د پاره په ډيره حريصانه توګه د اسلامي کتابونو د نومونو د پاره پوښتنې کوي او غواړي چي ډير مفيد کتابونه په مختلفو علومو کې لکه تفسير، حديث، عقيده، فقه، اخلاق، د نفس تزکيه، سيرت او نور ځانته غوره کړي.
-----------------------------------------
مخکنۍ برخي:
ورته ليکنې:
تبصره
