لیکنه: ویس احمد ابراهيم / تعلیم الاسلام ویب پاڼه

سورة المؤمنون لنډه پېژندنه 

سورة المؤمنون د مصحف او تلاوت په اعتبار ۲۳ سورة دئ، چي په مکة معظمة کي نازل سوی دئ.

سورة المؤمنون ۱۱۸ آية او ۶ رکوع لري.

په سورة المؤمنون کي لاندي موضوعات ذکر سوي دي:

۱-  د مؤمن خواص او صفات؛

۲-  د انسان پیدايښت، مرګ او بيرته را ژوندي کېدل؛

۳-  د سيدنا نوح (عليه السلام) قصه؛ 

۴-  د حضرت هود عليه السلام قصه؛

۵-  د حضرت موسی عليه السلام قصه؛

۶-  دين د ټولو له پاره يو او واحد دئ (اسلام)؛

۷-  د الله (عزوجل) ډېر زيات احسانات دي پر انسانانو، خو لږ ئې شکر ګزاره دي؛

۸-  تاسو عبث نه ياست پيدا سوي او خپل د رب څخه د مغفرت غوښتنه وکئ.

په سورة المؤمنون کي د مؤمينانو اوصاف ذکر سوي دي، چي الله تعالی فرمايي:

کاميابه سول (يا کاميابه دي) مؤمينان، چي درلودونکي د لاندي خواصو او صفتونو دي.

۱-  هغه کسان چي په لمانځه کي خشوع کوونکي وي.

۲-  هغه کسان چي د لغوه (بې هوده او بې ګټي) خبرو څخه مخ اړونکي وي.

۳-  هغه کسان چي د زکات اداء کوونکي وي.

۴-  هغه کسان چي خپل د فرج حفاظت کوونکي وي، يعني زناکاره نه وي.

۵-  هغه کسان چي امانت داره وي.

۶-  هغه کسان چي پر خپله ژمنه او وعده ولاړ وي.

۷-  هغه کسان چي خپل پر لمونځونو دائموالي او همېشه توب کوي.

نو دا د جنت وړ او د فردوس خلګ دئ.

www.taleemulislam.net