لیکنه او څېړنه: عبدالغفار جُبیر/ تعلیم الاسلام ویب پاڼه 

موسیقي په اسلام او ساینس کي

(۲۲)

۳۳: حدیث:

 حضرت عُمر رضی الله عنه روایت کوي چي ما د رسول الله ﷺ څخه واورېدل چي ده وویل: په تحقیق سره یقینا د هري ږنګولې سره شیطان دی.( ابو داؤد)

۳۴: حدیث:

حضرت ابن عباس رضی الله عنه روایت کوي چي نبی کریم ﷺ یوه شپه د یوه سړي غزل واورېدل او وروسته ئې وویل چي ددې سړي لمونځ نه قبلیږي، ددې سړي لمونځ نه قبلیږي، ددې سړي لمونځ نه قبلیږی. (نیل الاوطار)

۳۵: حدیث:

حضرت ابن عُمر رضی الله عنه روایت کوي چي رسول الله ﷺ  غزل ویل او هم غزل اورېدل منع او حرام کړه او همدارنګه رسول الله ﷺ بې بنسټه اوازې او افواه هم منع کړې. (ُکف الرعاع)

۳۶: حدیث: 

حضرت ابوهریره  رضی الله عنه روایت کوي چي رسول الله ﷺ و فرمایل چي ږنګوله (چي د حیواناتو په غاړه کوی ئې) یوه د شیطان د موسیقۍ د آلاتو څخه ده.( ابوداؤد)

۳۷: حدیث:

 حضرت معاویه  رضی الله عنه پخپله خطبه کي وویل:

په تحقیق سره رسول الله ﷺ اوه(۷) شیان منع کړي وه، او زه هم دا اوه څیزونه منع کوم چي هغه شیان عبارت دي له:

د ماتم او غم پر مهال ساندي او چیغي وهل، غزل ویل، ...(الطبرانی)

۳۸: حدیث: 

حضرت ابو بُرزاه روایت کوي چي موږ د نبی کریم ﷺ سره په یوه سفر کي وو چي د دوو کسانو غزل مو واورېدل، چي دوی په غزلو کي یو د بله سره ځواب وایه، رسول الله ﷺ وویل چي دا څوک دي؟ دوی (صحابه کرامو) وروښودل او د هر یوه نوم ئې ورته واخستی؛ رسول الله ﷺ لعنت ووایه او وې ویل، ای الله جل جلاله دوی و جهنم ته سرکُل(سرچپه) ورواچاوه. (مجموع الزوائد)

او داسي نور مبارک حدیثونه.

نور بیا... 

www.taleemulislam.net