تازه سرليکونه
د (فتوا روژه) نورې ليکنې
تازه سرليکونه
بېلابېلې ليکنې
فتوا: څوک چي د ورځي سفر شروع کړي
 
  July 26, 2012
  0

 سوال :  څوک چي د ورځي په مهال سفر پیل کړي مسافر سي ایا د دغي ورځي روژه هم د سفر لکبله خوړلای سي ؟. 


 دليک دلاري يې سوال کړى دئ. د سوال کونکي نوم:  حفيظ الله

جواب : د روژې د خوړلو د عذرونو څخه یو هم سفر دی البته هغه سفر چي لکبله يې څلور رکعتیز لمونځ دوه رکعته ګرځي .خو د سفر په لومړی ورځ که سپېدې په خپل کلي او ښار کي پر وچاودي او بیا سفر پیل کړي ددغي ورځي د روژې ماتول ورته جائز نه دي البته که د ښار او کلي د ساحې څخه لا تر اوسه وتلی نه وو یعني په مقیمینو کي شمېرل کېدئ او روژه يې ماته کړه قضا او کفاره دواړه پر لازمیږي او که د خپل ښار او کلي د ساحې څخه و داسي منطقې ته ورسېدئ چي هلته يې سفریانه لمونځ شروع کېدى او هلته يې روژه ماته کړه کفاره نه پر لازمیږي بلکي یوازي د یوې روژې قضا به راوړي .

 په مبسوط کي وايي : رَجُلٌ أَصْبَحَ فِي أَهْلِهِ صَائِمًا ثُمَّ سَافَرَ لَمْ يُفْطِرْ ؛ ... ، وَإِنْ أَفْطَرَ فَلَا كَفَّارَةَ عَلَيْهِ. د یو سړي په کور کي سهار روژه وه وروسته مسافر سو دا روژه به نه ماتوي .. او که يې ماته کړه کفاره باندي نسته .المبسوط : مُسَافِرٌ أَصْبَحَ صَائِمًا فِي رَمَضَانَ ثُمَّ أَفْطَرَ قَبْلَ أَنْ يَقْدَمَ مِصْرَهُ أَوْ بَعْدَمَا قَدِمَ فَلَا كَفَّارَةَ عَلَيْهِ ؛
 
د مسافر که په روژه کي سهار روژه وه او و خپل ښار ته د راتګ څخه دمخه او یا و خپل ښار ته د رارسېدلو څخه وروسته يې روژه ماته کړه کفاره نه پر لازمیږي .یو مسافر که په یو ښار کي د پنځلسو ورځو د تم کېدو اراده وکړي او یا تر دې زیادو ورځو د پاره هلته د پاته کېدو اراده وکړي و دغه نفر ته که څه هم په اصطلاح کي مسافر ویل کیږي خو په شریعت کي دا نفر د ځايي سړي حکم لري څلور رکعتیز لمونځ به پوره څلور رکعته کوي او د روژې خوړل هم ورته جائز نه دي البته د خپل ښار د ابادیو د ساحې څخه چي څه مهال ووځي بیا تر څو چي د خپل اقامت او تم ځای پوري رسیږي د مسافر حکم لري خو چي څه وخت هغه ښار ته چي هلته پنځلس ورځي یا تر دې زیات پاتیږي ورسیږي د مقیم په حکم کي راځي روژې به نیسي لمونځونه به پوره څلور رکعته ادا کوي .
 
مولوي محمد عمر خطابي
 
ماخذ: تعلیم الاسلام مجله- ۴ ګڼه
 

 

سرته