تازه سرليکونه
د (فتوا زکات) نورې ليکنې
تازه سرليکونه
بېلابېلې ليکنې
فتوا: پر مځکه، موټر، قرض او نقدو زکات
 
  August 30, 2012
  0

 تعلیم الاسلام دارالافتاء 


مسلسله شمېره : (  ۱۹۸)

نوم: محمد راميز سنځر

سوال : د زکات په اړه یو سوال لرم هیله ده ځواب راکړی.پر ما څومره زکات لازم دی چی باید ور یی کړم، د لاندی ټکو په موجودیت کی؟
 
• یوه مځکه د کور د ریهایشی لپاره لرم چی ۲۲۵۰۰۰ افغانی کیږی.
• یو موټر لرم ۸۶۴۸۶ افغانی کیږی.
• مبلغ ۵۰۰۰۰ افغانی پر یو چا باندی دی.
• خو مبلغ ۶۰۰۰۰ افغانی نقدی لرم.نو پدی صورت کی پر ما څومره زکات لازم شو؟

جواب :  
                                       حامداً  و  مصلياً
 
 ۱-  دغه کور چي ته پکښي اوسيږې په دې کي زکات نسته .
 ۲- دغه موټر چي ته پکښي سپريږې د کور لپاره دئ زکوة پکښي نسته .
۳- دغه ٥٠٠٠٠  افغانۍ   چي هر وخت درکړي د تېر زکات به يې ادا کړې .
۴-  په دې ٦٠٠٠٠ کي زکوة سته په دې شرط چي کال ورباندي تېر سوی وي او زکوة  يې ١٥٠٠ يا يونيم زره افغانۍ کيږي.

جواب: مولوي سید عبدالباري
کتنه: عبدالهادي آغا
تعلیم الاسلام دارالافتاء
کندهار افغانستان
ــــــــــــــــــــــــــ
(۱): ولیس في دور السکنی و ثیاب البدن و عبید الخدمة و سلاح الاستعمال و دواب الرکوب زکوة.
 
(۲): ایضاً (حواله فوق) و لیس في دواب الرکوب زکوة.
 
(۳): فالدین القوي اذا کان علی مقر مفلسا تجب فیه الزکاة اذا قبضه. الفقه الاسلامي: ج ۲، ص ۷۶۸ جزء الثاني- مطبع: دارالفکر
 
(۴): و شرط و جوب الزکاة حولان الحول علی المال. هندیة، ج ۱، ص ۱۷۵
 

سرته