تازه سرليکونه
د (فتوا لمونځ) نورې ليکنې
تازه سرليکونه
بېلابېلې ليکنې
فتوا: د ماښام تر لمانځه وروسته نفل کول
 
  November 13, 2012
  0

 تعلیم الاسلام دارالافتاء


مسلسله شمېره : (۳۴۱)

نوم: تاج محمد

سوال : د عرفات ځخه ۲ شپی مخکی په تعلیم اسلام راډیو کی یو مولوی صاحب پخپل تفریر وویل جی مسلمان باید د ځان ځځه نوی لاری اجاد نکری لکه د ماښام د لمانځه بعده جی ځوک ۲ رکعته نفل کوی ! د هغی شپی ځخه می ډیره سودا يکښی بنده ده ! ولی جی د ډیره وخته ځخه زه روزانه د مازیګر د لمانځه مخکی ځلور رکعته نفل کوم، د ماښام د لمانځه بعده ۲ رکعته نفل، د ماخستن د لمانځه مخکی ۴ رکعته صلات تصبیح او د لمانځه بعده ۲ رکعته نفل ، او دغه رنګه روزانه ۳۰۰۰ واره درود یعنی الله مصلیی وایم او ۱۰۰۰ واره قل هوالله احد وایم !     الله جل جلاله دی ئ په ریا کی نه راولی دا زکه می دلته زکر کره جی زه د دیری مودی را استه دغه پورته زکر شوی نوافل ادا  کوم خو تر اوسه می د جا ځخه پوښتنه هم نده کری ! نو ستاسو محتزمو علماوو ځخه په دیر درنښت هیله کوم جی ما ته و ښئ جی ایا دا لاره جی ما اخیستی ده سمه ده او که بده!

جواب : 

حامداً و مصلیاً

الله جل جلاله دي تاته پر طاعت او عبادت نور توفيق هم درکړي، ګرانه وروره! د نفل ممانعت د مازديګر د لمانځه څخه وروسته او د ماښام د لمانځه څخه مخکې راغلى دى لکه په بعضو مذهبو کي چي د ماښام د لمانځه اذان وسي دوى د جمعې تر مخه دوه (٢) رکعته نفل کوي بيا جمع کوي، دا طريقه د احنافو په نزد مکروه ده.

 کيداى سي چي تاسو به د مولوي صاحب په تقریر کي دا خبره صحیح نه وي فهمولې، که چيرې د دې دوو (٢) رکعتو سره څلور (٤)  رکعته نور هم ورسره زیات کړې نو ثواب به دي نور هم زيات سي چي د ماښام تر لمانځه وروسته دغو شپږو (٦) رکعتو نفلو ته په حديث شريف کي (صلاة اوابين) ويل سوي دي.

جواب: مولوي عبدالهادي آغا
الجواب صحیح: مولوي سيد عبدالباري
تعلیم الاسلام دارالافتاء
کندهار افغانستان
 

سرته