تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د فتنو په دور کي بايد څه وکړو؟
  تعلیم الاسلام
  September 16, 2017
  0
رالېږونکی : نصيب الله ژمن 
 
علماء وايي چي : د دنيوي فتنو او دسيسو څخه د خلاصون بهترينه چاره داده چي :
 
١-  که ويل کوې نو کليمه وايه .
٢ – که جوړول کوې نو مسجد جوړ کړه .
٣ – که جنګېدل کوې نو د شيطان سره وجنګيږه .
٤ – که ژغورل غواړې نو د درواغو څخه ځان وژغوره .
٥ – که بيرېدل غواړې نو له الله عزوجل څخه وبيريږه .
٦ – که مينه غواړې نو د الله تعالی او رسول الله صلى الله عليه وسلم سره مينه ولره .
٧- که هیله لرې نو د جنت هېله من اوسه .
٨- که ګټل غواړې نو زړونه وګټه .
٩- او بالاخره که سمون غواړې نو آخرت دي سم کړه .
 
هو ! که مو اکثراً کلمه پر خوله جاري وي (د بيکارۍ او فراغت پر مهال ) نو څه تاوان به مو کړى وي ؟
 
که مسجد نه سو جوړولاى اقلاً (لږ يا ډېر) بسپنه خو ورکولاى سو ؛ که د شيطانه د خوښي وړ کارونه ونه کړو څه زيان به مو کړي وي؟
که ځانونه له درواغو وژغورو (هغسي لکه په ژبه چي ئې اداء کوو ، عملاً ئې هم مراعت کړو ) څه نقص به مو کړى وي ؟
که تل په رښتيا هم له الله تعالی وبيريږو نو څه مشکل به را پيښ سي ؟
که د رسول الله صلى الله عليه وسلم سر مخلصانه مينه ولرو ، د څه تکليف سره به مخامخ يو ؟
که جنت د ښه اعمالو په بدل کي وغواړو څه بد کار به وي ؟
که د خلګو زړونه وګټو څه مزاهمت به راته پېښ سي ؟
او که بالاخره د  پورتنيو اعمالو د کولو په نتيجه کي خپل آخرت سم کړو هرڅه به نه وي ګټلي ، الله تعالی او د هغه رسول صلی الله علیه وسلم به نه وي راڅخه راضي ؟
 
ځکه نو موږ وايو چي نن د عمل ورځ ده بې له حسابه ، خو سبا د حساب ورځ ده بې له عمله ! نو که هرڅوک دغه نسخه امتحان کړي ، دنيا او عقبا به ئې ان شاء الله آرامه  ، اسانه او روښانه وي ، الله پاک جل جلاله دي موږ او تاسو ټولو ته دغسي توفيق را عطاء کړي .
 
ماخذ : اخلاقي کنايې 
 
 

سرته