تازه سرليکونه
د (فتوا بېلابېل مسائل) نورې ليکنې
تازه سرليکونه
بېلابېلې ليکنې
فتوا: د خپلي مېرمني څخه سخت زهیر یم
 
  February 5, 2013
  0

 تعليم الاسلام  دارالافتاء 


مسلسله شمېره : (۱۰۳)

نوم: احمد

د اوسېدو ځای: افغانستان
         
سوال : زما يو ورور چي تر ما ٤ کاله کشر وو د کنسر (سرطان) د ناجوړۍ څخه مړ سو خو ده واده کړي و او دا زما ورېنداره ما په نکاح کړه او ما خپله هم واده دلود ما ددغه ورينداري سره د الله د پاره او زما د مور دپاره  ، 
يو نيم کال تير سو يو اولاد پيدا سو ، خو اوس زه ددغه ښځي سره يوه شپه هم نه سم تيرولاى يو رقم بد مي ورڅخه راغلي دي خو دا ښځه هم جوابونه راکوي ، پر ارامه مي نه پريږدي ډېر پريشانه يم ، خو تاسو يو لاره په لاس راکي چي څه وکړم ؟ زه ا وزما کور مکمل په دوبى کي دى .

 جواب : 

حامداً  و  مصلياً

تاسو د صبر او تحمل څخه کار واخلئ ،رسول الله صلي الله عليه وسلم فرمايلي دي چي  مومن دي د مومني ښځي څخه کرکه او نفرت نه کوي که د هغي د يوه خوی او عادت څخه بد وړې ، په هغي کي به بل  دا ډول خوی او عادت وي چي هغه به يي خوښيږي ، او په قران پاک کي الله جل جلاله فرمايلي دي  چي ښايي تاسو به د يو شي څخه بد وړي ، خو هغه به  ستاسو لپاره خير وي .

کېدلاى سي چي الله ددغي ښځي څخه داسي اولادونه درکړي چي د هغوی په اخلاقو او ديانت مو سترګي خونکي سي .

جواب : مولوي سيد عبدالباري
الجواب صحيح : مولوي عبدالهادي اغا 
تعليم الاسلام دارالافتاء
کندهار افغانستان
ــــــــــــــــــــــــــــــــــــــــــــــــــــــــــ
(۱): قال رسول الله صلى الله عليه وسلم: لاَ يَفْرَكْ مُؤْمِنٌ مُؤْمِنَةً إِنْ كَرِهَ مِنْهَا خُلُقًا رَضِىَ مِنْهَا آخَرَ. رواه مسلم و احمد

(٢): وَعَاشِرُوهُنَّ بِالْمَعْرُوفِ فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرً. سورت النساء ايت١٩ .

 

سرته