د (فتوا بېلابېل مسائل) نورې ليکنې
تازه سرليکونه
بېلابېلې ليکنې
فتوا: د سرو یا سپينو زرو غاښ ایښوول
دارالافتاء تعليم الاسلام
مسلسله شمېره : (٢٩٢)
نوم: روح الله هلالي
د اوسېدو ځای: بلوچستان پاکستان
سوال : د سرو زرو يا سپينو زرو غاښونه ايښودل د ښځو لپاره د شريعت له نظره څنګه کار دى ؟
جواب:
حامداً و مصلياً
د سرو زرو يا سپينو زرو غاښونه ايښوول او دارنګه د سرو زرو يا د سپينو زرو په تار يا مېخ باندي غاښ ټينګول د امام محمد رحمة الله عليه په اند جائز دي، او د امام ابوحنيفه رحمة الله عليه په اند د سرو زرو غاښ ايښودل منع دي او د سپينو زرو جائز دى، او فتاوي عالمګيري ،ج٥ ،ص٣٣٦ کي د امام ابوحنيفه رحمة الله عليه څخه يو روايت د امام محمد رحمة الله سره موافق را نقل سويدي نو پروا نه لري ، که د سرو زرو وي يا د سپينو زرو نر او ښځي دواړو ته جائز دى. (۱)
لکن د نارینه لپاره د سرو زرو څخه ځان ساتل احتياط دى،(٢)
که چيري ديو چا غاښ ښوريدي او د لويدلو بېره ئي باندي وه نو ده بيا په سرو زرو يا سپينو زرو وتړۍ په نزد د امام بوحنيفه او امام ابويوسف رحمهم الله تعالى هيڅ پروا نه لري (۳)
----
(۱): فتاوي محموديه ج١٩ ، ص٣٤٦ .
(۲): سونے کى ميخ وغيره سے اختلاف کي وجه سے اجتناب احوط هے . فتاوي محموديه ج٩ ،ص٣٤٩ .
(۳):وذكر الحاكم في المنتقى لو تحركت سن رجل وخاف سقوطها فشدها بالذهب أو بالفضة لم يكن به بأس عند أبي حنيفة وأبي يوسف رحمهما الله تعالى. الفتاوی الهندیه: ج۵، ص۳۳۶.
--------------
جواب : مولوي عبدالحکیم
الجواب صحیح: مولوي عبدالهادي آغا و مولوی عبدالغفار حسنيِ
دارالافتاء تعليم الاسلام
کندهار افغانستان
ورته ليکنې:
تبصره
