تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د الله جل جلاله ذکرد خوښۍ او د اطمنان
 
  August 27, 2016
  0

 

رالېږونکی: محب الله ذاکر

سرچينه : تعليم الاسلام ويب پاڼه

 د الله جل جلاله  ذکرد خوښۍ او د اطمنان  لامل ګر ځي

رشتیا ویل الله تعالی ته خوښ دي ، ښکاره وینا د زړه صابون دی، تجربه یو ډول دلیل دی  او د زړه د خوښۍ لپاره د ذکر څخه غوره او ښه عمل نسته.

الله تعالی فرمايي ( فاذکروني اذکرکم ...)
ژباړه: تاسي ما یاد کړي زه به تاسو یاد کړم.

د الله جل جلاله یاد په دنیا کي د انسانانو لپاره جنت دی او له ستړیاوو څخه د زړه را ایستل دي، بلکي دا د هر بریالیتوب او کامیابۍ لپاره لاره ده، ته د قرآن او حدیث مطالعه وکړه، چي د ذکر د
 
ګټوڅخه خبر سې او په دي لږ تجربه هم وکړه، جي له ډول ډول ناروغیو څخه خوندي سې او روغتیا دي
په برخه سي، د الله جل جلاله په یاد سره له هر ډول بېري، غم ، خپګان او ناروغۍ څخه روغتیا ترلاسه
 
کیږي او دا داسي نېکي ده چي په ترسره کولو یي د هر ډول غم او درد پیاوړي  غرونه رانړيږي ،دا د حیرانتیا خبره نه ده، چي د الله تعالی په یادولو سره د خلکو زړونو ته سکون رسیږي، بلکي د حیرانتیا خبره دا ده چي الله تعالی له ذکرڅخه غافله خلګ څنګه ژوند کوي ؟!
 
الله تعالی فر مایی: ( اَمّوَاتٌ غَیرُاَحیاءٍ  وَمَایَشعُرُنَ اَیَّانَ یُبعَثُونَ ).
ژباړه: دوي مړه دي ژوندي نه دي اونه پوهیږي ، چي کله به بېرته راپورته کيږي.
  
اي د نړي دردیدليه! اي د دردونو او غمونو څخه په ژړا سر انسانه! راسه د الله جل جلاله په سپیڅلي نامه خپله ژبه وښوروه او د خپل زړه دواء په وکړه  څوني ډیر چي د الله تعالی ذکر کوې. ستا زړه به د
 
پراخۍ خوشحالۍ سره مخ کیږي، ارام به ورته رسیږي  ،د نفس سره به دي مرسته کوي او ضمیر به دي په راحت کي وي، ځکه د الله تعالی په ذکر کي په هغه باندي د توکل باور، هغه ته د ور ګرځیدو، په هغه د نیک ګمان او د خوښۍ د راتلو د انتظار معنی پرته ده، نو الله تعالی نژدي دی.

د هربلونکي اواز او غوښتنه اوري، اورېدونکي او د دعاګانو قبلوونکی دی. نو په  ډېره عاجزۍ مینه او زارۍ سره د هغه نوم واخله، د خپلو ستونزو د حل لپاره  يي را وبله، مرسته ځني وغواړه، ستاينه يي وکړه او بخښه ځني وغواړه.
 
بېشکه الله تعالی د دې وړ دی، چي د خپلو ټولو ستونځو لپاره راوبلل سي  او هغه د هر عمل بدله ورکوي او د خپلو بلونکو څخه هیڅ کله خپلي مرستي نه سپموي:
 
( فَاْتْهُمُ اللهُ ثَوَابَ الدُّنیَاوَحُسنَ ثَوَابِالاْخِرَةِ ). 
الله جل جلاله دوی ته د دنیا د ثواب ترڅنګ د اخرت غوره بدلي هم ورکړي.
 
----------------------------------------------------
ماخذ : ثلاثون سبباً للسعادة / د نېکمرغۍ لار
 

سرته