لیکنه: زینب درانۍ/ تعلیم الاسلام ویب پاڼه
پورته سه کامیابي تاته انتظار کوي
ما د ماشومتوب څخه تر اوسه پوري فکر کوی چي ډار او بيره ولي د شپې د خوا په تاریکه کي زیاته وي؟
اوس پوه سوم چي ډار او بیره لکه د آسمان ستوري داسي دي او هر وخت وي؛ خو دا د رڼا برکت دی چي د ورځي يې پناه کوي.
زموږ انسانانو ژوند هم داغسي دئ د زړه تنګون، نفس تنګي، ژړا، خفګان، درد، غم، پریشاني او مایوسي هر وخت راسره وي؛ خو د الله سبحانه وتعالی په شتون کي زموږ ټولو د ژوند څخه دا ټول منفي شیان د منځه ځي.
الله عزوجل چي راسره وي نو ټول منفي شیان به پر موږ د تاثیر کولو څخه عاجزه شي او پر ځای به یې مثبتي او د خوشحالۍ شیبې مخي ته راځي.
خوشحالي یوازي او یوازي د اسلام په پاکه لاره کي ده.
غفلت نور پریږدئ، ځان په لاسي لاس مه تباه کوئ، ژوند مو مه تاریکه کوئ، د شته نعمتونو څخه مو ځانونه مه بې برخي کوئ، ځان باندي دا ښایسته، خوشحاله، ارام او رنګین ژوند مه تنګوئ.
د اصلي خوشبختي د لاسته راوړلو په خاطر د الله سبحانه وتعالی سره خاصه رابیطه جوړه کړئ.
ژوند مو د الله تعالی په یاد رنګین او بهترین کړئ.
