د (فتوا طلاق) نورې ليکنې
تازه سرليکونه
بېلابېلې ليکنې
فتوا: په قهر او غضب کي طلاق اچول
تعليم الاسلام دارالافتاء
مسلسله شمېره : (۶۵۰)
د اوسېدو ځای: کابل
سوال : که یو مېړه خپلي مېرمني ته د غضب او قهر په وخت کي ووايي ، چي که دي دغه کار بیا تکرار کړی وو، نو بیا پرما طلاقه یې وروسته پرخپله خبره ځکه پښېمانه سي، چي وریاد کړئ کار له هغې بیا تکراریږي، نو د تکرار په صورت کي طلاق واقع کیږي او که یا؟ که واقع کیږي نو په نتیجه کي یې بیا باید نکاح وتړل سي او که څنګه ، که تړل کیږي نو شاهدان باید د هغې له دوستانو څخه وي او که زما؟
جواب :
حامداً و مصلياً
په ياد سوي صورت کي طلاق واقع کيږي، البته رجعي طلاق دى، نکاح نوې کول نه غواړي بلکه صرف رجوع غواړي.
رجوع د خولې په وينا سره هم کيږي، چي ووايې: ما رجوع ورته کړې ده او يا دېته ورته عمل وکړي ، لکه په شهوت سره ورته کتل ، نزديکت کول او داسي نور.
او هېله ده چي په راتلونکي کي داسي خبره وخپلي ميرمني ته ونه کړئ.
جواب: مولوي سيد عبدالباري
الجواب صحيح: مولوي عبدالهادي اغا و مولوي عبدالغفار حسني.
تعليم الاسلام دارالافتاء
کندهار افغانستان
ــــــــــــــــــــــــــــــــــــــــ
(١): و اذا ضاف الى شرط وقع عقيب الشرط. مختصرالقدوري: ١٤٦. کتاب الطلاق
ورته ليکنې:
تبصره
