لیکنه: نعمت الله شاکر/ تعلیم الاسلام ویب پاڼه
د يوسف عليه السلام د ستونزو او د ستونزو دحل سبب خوب وو.
د يوسف عليه السلام د ستونزو سبب هم خوب وو، د ستونزو دحل سبب ئې هم خوب سو.
کله چي يوسف عليه السلام خوب وليدی، چي يوولس ستوري، لمر او سپوږمی هغه ته سجده کوي. د هغه د وروڼو کينه راوپارېده او هغه ئې د لوبو په پلمه بيديا ته بوتلی او څاه ته ئې واچاوه.
هغه له څاه څخه تر را ايستلو وروسته مصرته يووړل سو، هلته د يوې دسيسې په نتيجه کي بندي سو. د بند په دوران کي ئې د بنديخانې ملګري خوب ويني، هغوی ته د خوب تعبير وايي. د هغوی د خوب تعبیر رښتينی واقع کيږي، يو ازاديږي او د پاچا دربار ته ځي. څه وخت وروسته پاچا خوب ويني، د پاچا دخوب په تعبير څوک نپوهيږي. درباري کس پاچا ته يوسف عليه السلام ورښيي. پاچا د خوب تعبير پوښتي، یوسف علیه السلام ئې تعبير ورته کوي. پاچا يې د زراعت وزير تعينوي او اخر بيرته د خپلي کورنۍ سره پداسي حال کي يوځای کيږي چي د ستر قلمرو ستره واکمني لري.
www.taleemulislam.net
