لیکنه: مولوي عبدالسلام حنفي/ تعلیم الاسلام ویب پاڼه
له تورو شپو څخه ليري اوسئ!
که تیاره په رڼا نشي بدلولی؛ نو له تیارو او تورو شپو څخه لري اوسئ؛ ځکه چي تاسو به د مصیبت اوغم پرته بل څه ترلاسه نه کړئ. په ژوند کي ډېر داسي کسان شته چي تل مو په نا امیدۍ او منفي الفاظو پسي ګرځي، خو ته باید د لمر پر لور حرکت وکړئ. ډېر خلک غواړي چي ته په هماغه کچه پاته شې او نور هم ونه ځلیږې، دوی وېره لري چي ستا د پرمختګ رڼا د هر چا په سترګو کي ونه ځلیږي. او یا کوشش کوي، چي لږ تر لږه د لوړو ارزښتونو ته د رسېدو څخه ته نا امیده شي. تاسو باید د دوی په څیر فکر ونکړئ، مګر ډاډه اوسی چي د هرچا پرمختګ او سوکالي د هغه په هڅه او امید پوري اړه لري.
ډېر نوښتګرو داسي کارونه کړي دي چي سترو مفکرینو نه وو کړي، د پخوانیو او مشهورو لیکوالانو له کتابونو څخه د نویو او غیرمشهور لیکوالانو کتابونه ډیر لوستل شوي او هرکلي یې شوي، نو د نا امیدۍ اړتیا نشته. شاتګ مه کوئ او په هیڅ قیمت مه نا امیده کیږئ ، او که تاسو ټولي دروازې تړلي ومومئ نو د خپل هدف پر لور حرکت مه پریږدئ.
www.taleemulislam.net
