لیکنه : علي الله متوکل / تعلیم الاسلام ویب پاڼه

شیخ له ځان سره ارام وخندل. ناستو کسانو کي یوه کس د خندا دلیل و پوښت. 

شیخ ورته وویل: تاسي د دنیا د کارونو لپاره واسطه بازی کوی، ما و جنت ته د تللو واسطه پیدا کړل، جنت ته به په ګرنټي ځم. 
ټولو و پوښتل، څنګه؟

شیخ ویل داسي:

-نن مي د سهار لمونځ په جماعت وکړ، الله مهربانی دی و به مي بخښي. 

-د قرآن کریم تلاوت مي وکړ. د محشر په ورځ به قرآن پر ما د تلاوت کولو شاهدي ادا کړي.

-د مسجد مخته مسکین ولاړ وو، و هغه ته مي د دوو ډوډیو پیسې ورکړې.

-له مسجده تر کوره مي پر محبوب نبي  درود ووایه، هغه به مي شفاعت وکړي. 

په خدای دا ګرده اسانه عملونه دي، راځئ وې کړو.

www.taleemulislam.net