ژباړه: مولوي نورالحق مظهري/ تعلیم الاسلام ویب پاڼه

څوک ډېر بې عقل دی؟ 

عمر بن عبدالعزيز رحمه الله خپلو ناستو ملګرو ته وويل: ما ته تر ټولو بې عقل انسان معرفي کړئ.

هغوی وويل: هغه څوک چي خپل آخرت په دنيا باندي وپلوري.

يعني آخرت هير کړي او دنيا غوره کړي.

عمر بن عبدالعزيز رحمه الله وويل: زه تاسي ته تر دغه ډېر بې عقل انسان معرفي نکړم؟ هغوی وويل معرفي يې کړه!

عمر رحمه الله وويل: هغه انسان ډېر بې عقل دی چي خپل آخرت د بل چا په دنيا وپلوري.

يعني هغه څوک چي آخرت هېر کړي او د بل چا لپاره ګناه کوي؛ د بېلګي په ډول: د بل چا لپاره درواغ وايي، چلبازي کوي، غيبت کوي، د مسلمانانو سره دښمني کوي، د مسلمان سره حسد کوي او د بل چا په فرمايش او سپارښتنه ځان په ګناه کي غرقوي.[الحلية۵/۳۲۵]

www.taleemulislam.net