د (فتوا حلال او حرام) نورې ليکنې
تازه سرليکونه
بېلابېلې ليکنې
فتوا: د حرام خرڅونکي سره کار کول
تعليم الاسلام دارالافتاء
مسلسله شمېره : (٨٣)
نوم: احمد
سوال: د هغه دوکاندار سره ، چي حرام خواړه خرڅوي کار کول څنګه دى ؟ لکه شراب د خوګ غوښي او داسي نور.......
جواب :
د داسي دوکاندار سره کار کول ، مزدوري کول جائز نه دي ، لکه څه ډول چي خپله يو ګناه کول جائز نه ده. همدا ډول د ګناه لپاره سبب جوړېدل ، مرسته کول ، او د ګناه په کار کي مزدور کېدل هم جائز نه دى .
رسول الله صلی الله علیه وسلم پر شراب څښونکي ، جوړونکي ، اخيستونکي ( وړونکي)، چاته چي ئي وړي ، ورڅښونکي ،خرڅونکي ، د هغوی قيمت خوړونکي ،رانيونکي ، او د چا لپاره چي رانيول کیږي پر ټولو باندي لعنت ويلی دی . (۱)
له دې کبله په داسي ځايو کي کار کول جائز نه دي چي هلته څوک د سود، خمار يا شرابو د کاروبار ذريعه جوړ ه سي .
جواب : مولوي سيد عبدالباري
الجواب صحيح : مولوي عبدالهادي اغا
تعليم الاسلام دارالافتاء
کندهار افغانستان
ــــــــــــــــــــــــــــــــــــــــــــــــــــــــــ
(۱): ابن ماجه : باب لعنة الخمر علي عشر اوجه ، رقم الحديث . ٣٣٨٠ .
(۲): وَلَا تَجُوزُ الْإِجَارَةُ عَلَى شَيْءٍ مِنْ الْغِنَاءِ وَالنَّوْحِ وَالْمَزَامِيرِ وَالطَّبْلِ وَشَيْءٍ مِنْ اللَّهْوِ. الفتاوی الهندیة، ج۴، ص۴۴۹ – دارالفکر .
(۳): وَلَا لِأَجْلِ الْمَعَاصِي مِثْلُ الْغِنَاءِ وَالنَّوْحِ وَالْمَلَاهِي. ردالمحتار، ج۵ ، ص۳۸- طبع رشيدية
ورته ليکنې:
تبصره
