کوم خلګ چي د الله جل جلاله حکم پریږدي د هغوی د خراب حالت څخه عبرت اخیستل
رالېږونکی: دوست محمد عرفان
حضرت جبیر بن نفیر رضي الله عنه فرمایي: کله چي د قبرص جزیره فتح سوه نو لښکر يې ټول مريان کړل سول او هغوی په مسلمانانو وویشل سول. هغوی یو د بل پر جلاوالي ژړل، ما وکتل چي حضرت ابو الدرداء رضي الله عنه یوازي ناست دی او ژاړي. ما پوښتنه وکړه، چي ای ابو الدرداء! نن خو الله تعالی اسلام او مسلمانانو ته عزت ورکړی دی نو ته ولي ژاړې؟ ابو الدرداء رضي الله عنه وفرمایل: اې جبیره! ته ښاد سي، دې مخلوق چي کله د الله جل جلا له حکم پرې ايښیدی نو دوی د الله جل جلا له په نزد څومره بې قیمته سول؟! مخکي خو دا زورور او غالب قوم وو او دوی باچهي درلوده خو دوی د الله جل جلاله حکم پرېښودی نو اوس د دوی هغه بد حال سو کوم چي ته يې وینې.
ماخذ: حیاة الصحابه، اخرجه ابو نعیم في الحلیه (ج۱ص۲۱۶)
