لیکنه : نعمت الله شاکر / تعلیم الاسلام ویب پاڼه
که ته د امر بالمعروف او نهي عن المنکر ادارې په غوښتنه ږيره پريږدې، يا حجاب وکړې، يا دي صورت او سيرت د رسول الله صلی الله علیه وسلم او د هغه د اصحابو سره برابر کړې، نو دا ثواب نلري.
ښه ګرانه وروره او قدرمنې خور!
ته له شيطان څخه بل څه توقع لرې؟
د هغه خو دغه دنده او د وظائفو لائحه ده، چي انسان د جنت څخه راوګرځوي او جهنم ته ئې رهنمايي کړي.
د ثوابونو او اجرونو اړوند خو تحقيق او حقيقت دادی، چي هر مسلمان ته د هر صالح او معروف عمل د اجرا کولو او د هر فاسد او منکر عمل د پريښوولو اجر ورکول کيږي.
د امر بالمعروف او نهي عن المنکر ادارې غړي به په مختلفو قراني اياتونو او نبوي احاديثو به استدلال کوي، تر څو دوی ته هم د دغه امر او رهنمايي ثوابونه او اجرونه ورکړل سي.
تا چي د دوی په غوښتنه معروف عملي کړی دی او منکر دي ترک کړی دی، ته خو په طريقه اولی د ثواب او انعاماتو مستحق يې ان شاءالله.
نوټ: شيطان پخپلو دندو کي برياليتوب ته مه پريږدئ.
بل نوټ: که مو دغه ليکنه تر نورو ورسوله، تاسو به هم د تواصوا بالحق، امرون بالمعروف، ناهون عن المنکر، دال علی الخير.......حزب ته شامل سئ.
