د (چاڼ سوي مضامين) نورې ليکنې
تازه سرليکونه
بېلابېلې ليکنې
د مړي د احترام لپاره پټه خوله درېدل
ليکنه: اخترم محمد جهيد
دا نن ورځ چي ځني خلک ليدل کيږي چي کله يو مخور او مشهوره سړی مړ سي نو دوی ددې مړي د احترام، عزت او غمرازۍ لپاره یو ګړی پټه خوله سي، په ډېر ادب سره ولاړ وي.
نو دا ډېر ناوړه او په دين کي (بدعت) او نوی شی دی چي نه د نبي صلی الله عليه وسلم په زمانه کي وو، نه د صحابوو رضی الله عنهم په زمانه کي وو او نه د سلفو صالحينو رحمة الله عليهم په زمانه کي وو او نه دا کار د توحيد او اخلاص د آدابو سره مطابقت لري بلکه په دې کار سره ځني ناپوه مسلمانان د کفارو پیروي کوي ځکه هغوی د خپلو مشرانو او رهبرانو د مړيني په وخت کي دا ناوړه عمل سر ته رسوي او اسلام خپل پیروان په خپلو ټولو کارونو او عاداتونو کي د کافرانو سره په مخالفت امر کړي دي.
کوم څه چي اسلام موږ مؤمنانو ته ښودلي دي هغه دا دي چي د مسلمانانو مړو ته به دعاوي کوو، خیراتونه به پسې کوو، د هغو ښه کارونه به يادوو او د بدو کارونو د يادولو څخه به يې ځانونه ساتو او داسي نور.
نو په پټه خوله درېدو سره د مړو احترام او درنښت نه کيږي بلکي ددې کار څخه د اسلام اساسات منع کوي (ځکه د وخت په تېرېدو سره اسلامي طریقه د منځه ځي او کفري رواجونه ځای نيسي).
ورته ليکنې:
تبصره
