لیکنه: مولوي محمد اکبر/  تععلیم الاسلام ویب پاڼه 

اسان فقهي اصطلاحات 
(دوولسمه برخه)

(ط)

طاعت: پخپل خوښه دبل چا په حکم عمل کول او دهغه دناخوښه شیان څخه ځان ژغورل.

طرفین: امام ابوحنیفه او امام محمد رحمهما الله.

طفل: ماشوم، د پېدائښت څخه تر بلوغ پوري انسان ته طفل ویل کېږي.

طلاق:  دنکاح ځانګړی ټرون په خاصو الفاظو سره پرېکول یا دیو ټاکلي وخت له پاره.

طواف: دعبادت په نیت پر کعبه شریفه باندي اووه واري راګرځېدل.

طواف زیارت: د قربانۍ په شپو (ایام النحر) کي د بیت الله شریفي طواف کول، دې ته فرضي طواف، طواف یوم النحر، طواف رکن او طواف افاضه هم وايي.

طواف قدوم: یو آفاقي کس چي کله مکې معظمې ته داخل سي او لومړی طواف ته ئې طواف تحیة طواف لقاء او طواف اول العهد هم وايي.

طواف وداع: دیو آفاقي کس له پاره چي کله خپل وطن ته ستنېږي، نو دبیت الله شریفي طواف کول دې ته طواف صدر یا طواف آخرالعهد هم وايي.

طُهر: هغه مدت یا وخت چي ښځي ته په هغه کي حیض یا نفاس نه راځي او ددې لږ موده ۱۵ ورځي ده.

www.taleemulislam.net